نخليكم مع الطريقة والمقادير ديال هاد السمك مقادير باش ندهنو السمك ملح+كمون+سكنجبير+تحميرة+زعف ران+شوي زيت المائدة+شوي صوص الطماطم كنخلطو هاد العناصر و كندهنو بها الحوت ديالنا من بعد منكونو حيدنا ليه الشوك و ندهنوه من داخل والخارج ونخليوه في الطرف ونمشيو نوجدو الصلصة ديال الطماطم فاش غدي طيب الحوت غدي نحتاجو مطيشة محكوكة فالحكاكة شوي صلصة طماطم شوي لهريسة اللي كيعجبو الحار ليمون مرقد مقطع قطع صغار قسبر ومعدنوس شوي العطرية(نفس للي ذكرت قبل ولكن منكتروش) كنخلطو كل العناصر و ندهنو بيه عاود الحوت وشوي نديروه مع الماء في الطاجين اللي غيطيب فيه الحوت وشوي نخليوه نديروه في الاخير دبا نوجدو الروز غنحتاجو 2جزر مقطعة قطع صغار 1 فلفلة مقطعة قطع صغار 1 بصلة مقطعة شوي قسبر عطرية(نفس اللي ذكرت قبل) نخليو هاد العناصر طيب مع قليل من الزيت وملي يطيب نضيفو ليه اروز مسلوق ولكن منخليوهش يطيب حيت غيكمل طياب في الفران مع الحوت والصوص ديال طماطم ونخلطو العناصر مزيان باش تنسجم مع بعض ونبداو نعمرو الحوت وندخلوه الفران ومرا مرا نفتحو عليه ونديرو عليه من فوق المرقة باش متحرقش لينا الطبقة الفوقانيا ديال السمك هاهو ملي طيب بالصحة والراحة __________________ اتمنى ان تعجبكم وليكن في علمكم انني جربتها وهي لذ يذة جدا